საინტერესო ინფორმაცია
რა უნდა ვიცოდეთ მიწის ნაკვეთის შეძენის დროს
მიწის ნაკვეთის შეძენის დროს პირველ რიგში უნდა მივაქციოთ ყურადღება მისი გამოყენების შესაძლებლობას. ბაზარზე ძალიან ბევრი შემოთავაზებაა, რომელთაგან ზოგიერთს საკმაოდ მომხიბვლელი ფასი აქვს, მაგრამ შეძენის შემთხვევაში აღმოაჩენთ რომ ამ მიწის ნაკვეთზე რეალურად ვერაფრის აშენებას ვერ შეძლებთ.
უძრავ ნივთზე უფლების წარმოშობის საფუძველია:
- ნასყიდობის ხელშეკრულება;
- ჩუქების ხელშეკრულება;
- გაცვლის ხელშეკრულება;
- პრივატიზება;
- სამკვიდრო მოწმობა; (და სხვა.)
ნებისმიერი ხელშეკრულების ჩაბარება უნდა მოხდეს საჯარო რეესტრში.
ფუნქციური ზონები
ფუნქციური ზონების შესახებ ინფორმაციის მისაღებად ეწვიეთ მერიის ვებ-გვერდს
ფუნქციური ზონის ცვლილება შესაძლებელი გრგ-ს ფარგლებში
თითოეულ ზონას განეკუთვნება შესაბამისი კოეფიციენტები (კ-1; კ-2, კ-3)
კ-1 – კოეფიციენტი გვეუბნება თუ მიწის ნაკვეთის რა ფართობის ათვისებაა შესაძლებელი სამშენებლოთ. მაგალითად თუ თქვენ ფლობთ 1000 კვ.მ მიწის ნაკვეთს და კ-1 კოეფიციენტი არის 0,5 თქვენ საშვალება გაქვთ შენობა განათავსოთ 500 კვადრატულ მეტრ ფართობზე.
კ-2 – წარმოადგენს ინტენსივობის მაქსიმალურ ნიშნულს და გვეუბნება თუ რა მოცულობის შენობის განთავსებაა შესაძლებელი მიწის ზემოთ. მაგ: თუ ფლობთ 1000 კვ.მ მიწის ნაკვეთს და კ-2 კოეფიციენტი შეადგენს 2,5-ს თქვენს ნაკვეთზე შესაძლებელია განთავსდეს 2500 კვადრატული შენობა მიწის ზემოთ.
კ-3 – მიწის ნაკვეთის გამწვანების კოეფიციენტი. შესაბამისად 1000 კვადრატული მიწის შემთხვევაში თუ კ-3 არის 0,3 გამწვანება უნდა გაშენდეს 300 კვადრატულ ტერიტორიაზე.
იმ შემთხვევაში თუ თქვენს მიწის ნაკვეთზე არ არის მინიჭებული მსგავსი კოეფიციენტები ეს იმას ნიშნავს რომ მიწა მდებარეობს ზოგად ზონაში და საჭიროებს კოეფიციენტების დადგენს.
აღნიშნული კოეფიციენტები თავისი მნიშვნელობიდან გამომდინარე გადამწყვეტ როლს თამაშობენ მიწის ნაკვეთის ფასის დადგენის პროცესში.
ასევე ყურადღება უნდა მივაქციოთ მიწის ნაკვეთის დანიშნულებას:
დეტალური ინფორმაციის მისაღებათ ეწვიეთ საქართველოს საკანონმდებლო მაცნეს ვებგვერდს.
მიწის ნაკვეთის დანიშნულება განსაზღვრავს თუ რა ტიპის და რომელი კლასის შენობა ნაგებობის განთავსებაა შესაძლებელი.